O Departamento de Información e Orientación Profesional do CIFP Portovello difunde a oferta formativa do centro

O Departamento de Información e Orientación Profesional do CIFP Portovello segue a presentar e informar sobre a oferta formativa que ofrece o centro . Entre as súas accións atópase a súa participación na I Feira de Educación no recinto feiral de Expourense. Durante a feira, os estudantes e familias coñeceron de primeira man a oferta educativa dispoñible, tanto universitaria como de Formación Profesional e ensinanzas artísticas e deportivas. O público recibiu asesoría dos orientadores dos centros educativos.