O Departamento de Orientación achegouse a Verín para dar a coñecer os nosos ciclos

O Departamento de Orientación do CIFP Portovello asistiu como invitado aos IES Taboada Chivite e Castro de Baronceli de Verín, para explicar presencialmente a nova Formación Profesional de Galicia e presentar a súa oferta educativa. O noso centro ofrece varios ciclos das familias de administración e xestión, comercio e márketing e servizos socioculturais e á comunidade, onde o alumnado pode completar a súa formación e abrirse un camiño no mercado laboral.