Negociamos?

O alumnado de 1º do Ciclo Medio de Actividades Comerciais interpretou o papel de empresas produtoras de froitas e fornecedoras de materias primas para os seus compañeiros e compañeiras, que, pola súa parte, asumiron o rol de fabricantes de zumes e refrescos. A actividade, baseada nunha simulación do microentorno empresarial, favoreceu o desenvolvemento das súas capacidades de negociación, a comprensión da interdependencia entre os distintos axentes do mercado e o adestramento do pensamento estratéxico. Ademais, as diversas novas que ían aparecendo e que facían referencia a factores do macroentorno, dentro do marco do modelo PESTEL, influíron directamente nas negociacións a catro bandas.