Inspección de outono do Proxecto Ríos 2025 🏞️🍂

O pasado venres realizamos a saída de inspección de outono do Proxecto Ríos.
Acompañounos un grupo de alumnado de 2º de Integración Social, que participou activamente na camiñata desde o CIFP Portovello ata o noso treito de inspección no río Loña.
Durante o percorrido pola beira do río observamos a flora 🌿e a fauna 🦆 da contorna, e unha vez no punto de inspección analizamos algúns dos signos vitais do río, como o estado da auga, a presenza de macroinvertebrados e a vexetación de ribeira.
Unha experiencia de aprendizaxe e conciencia ambiental que nos conecta co noso contorno e co compromiso de coidar o medio natural. 💚