Plan Director para a Convivencia e Mellora da Seguridade nos Centros Educativos
O Plan Director para a Convivencia e Mellora da Seguridade nos Centros Educativos e as súas Contornas é unha ferramenta que pon o Ministerio do Interior a disposición da comunidade escolar para mellorar a seguridade dos centros educativos e das persoas que acoden a eles, a recibir ou a impartir formación. Entre as accións contidas nel, atópanse a realización de conferencias e actividades nos centros escolares dirixidas á comunidade educativa. Achegamos o enlace dun vídeo para que as familias coñezan de primeira man o Plan Director e teñan a posibilidade de solicitar aquelas charlas que consideren oportunas e que lles estean destinadas.