Negociamos? 🤔🤝

Os alumnos e alumnas de 1º de Ciclo Medio de Actividades Comerciais asumiron os roles de empresas produtoras de froitas e provedoras de materias primas para os seus compañeiros e compañeiras, que actuaron como fabricantes de zumes e refrescos. A actividade, consistente na simulación do microentorno, permitiulles desenvolver as súas habilidades de negociación, comprender a interdependencia entre os actores que interveñen no mercado e desenvolver pensamento estratéxico. As diferentes noticias que ían coñecendo e relativas a factores do macroentorno, no contexto do escenario PESTEL, condicionaron as negociacións a catro bandas.